სხვამ თუ არავინ,
მე ხომ ვიცი, რა გიღირს ყველა
შემოხედვა, ყველა ღიმილი...
მე კარგად ვიცი,
რა ქარცეცხლიც გამოიარე,
რას გაუძელი...
როგორ გაგთანგა წუთისოფლის
ამაოებამ...
მე ხომ ვიცი,
რამხელა სითბოს დაატარებ
გულით და მხრებით
რამხელა დარდის ზიდვა გიწევს,
ჩემო მეუღლევ.
სხვამ თუ არავინ,
მე ხომ ვიცი,
შენთვის ცხრა წყაროს წყლად
რომ ვიქცევი;
მაგ შენი სულის იარების
მე ვარ სალბუნი...
ჰოდა, გიწამლებ...