კითხულობს მთვარე პეტეფს და ბოდლერს,
აძინებს ქარი ხეებს და ტუქსავს,
ჩაესმით თქვენი მუსიკა ფოთლებს,
ნანინასავით ბატონო ნუგზარ!

ხატავს იესოს ჯვარცმას გოია,
ღამის წყვდიადში დაეძებს მუზას
თქვენ მიუჯდებით ნაცნობ როიალს-
-ღმერთს გაამხნევებთ ბატონო ნუგზარ!

ოკეანეში (ერთი შეხედვით)
მზე ჩაესვენა - სამყაროს ღუზა.
მუსიკა იყო მათი შეხება-
-თქვენი მუსიკა ბატონო ნუგზარ!
სხვა რითი გინდა კაცმა იხარო?!
უსმენ და არჩევ თეთრსაც და მუქსაც.
არ დაიღალოთ,
არ დაიღალოთ,
არ დაიღალოთ, ბატონო ნუგზარ!

როცა ჩადგება ყინვა ხელებში,
შევიწროვდება ბილიკი თუ გზა,
დამმარხონ მხოლოდ თქვენს სიმღერებში,
თქვენს სიმღერებში ბატონო ნუგზარ!