---------------
ქვეყანა აქით ნანახი
სხვა არის_უფრო ვრცელია,
შენთან მოსული ღრუბელი
ღმერთის ხელების ფერია.
მზემ ჩრდილით გაგალამაზა,
შენსავით ნამით სველია,
წინ შუქი ისე მოუძღვის,
იფიქრებ,ოქროს ცელია.
ამას რომ ხედავ,სიცოცხლე
სიკვდილზე ასჯერ ძნელია,
სუნთქვაში ზეცის სითბოა,
გულის ფოთლებზე ცრემლია.
ქვეყანა აქით ნანახი
უფრო კარგი და ვრცელია,
საოცრებაზე მეტია,
სიზმარზე მშვენიერია...
ამაღლება და წამება,
ცის ახლოს გარდაცვალება,_
ესაა,რაც გიწერია!