ახლა ოთხ კედელში მწიფდებიან 
გულზე  გამობმული კუნძულები,
სული უმძიმდებათ, მოწყდებიან,
არიან სხეულით  უძლურები.
გავნან ეშვებიან ბეგემოტებს,
ერჩიან  სუყველას და თან არაფერს,
სიკვდილის კარიბჭეს დარაჯობენ,
სიკვდილის აკლდამებს დარაჯობენ,
სიკდილის სარდაფებს დარაჯობენ
და მყრალი ხახა აქვთ დაღებული,
რომ შთანთქან წუთები, საათები,
ღმერთო, შენ უშველე დაღუპულებს,
ღმერთო, მოახედე ყველა თვალი,
ღმერთო, მოაბრუნე ყველა გული...
,,გულო ჩადექ საგულესა’’,
,,გულო ჩადექ საგულესა’’.
ისევ ოთხ კედელში მწიფდებიან,
გულზე ამოზრდილი კუნძულები,
გავნან ეშვებიან ბეგემოტებს,
სულით და სხეულით უძლურები.
მიწა ჭამს ყველაფერ უნაყოფოს,
მიწაში თვალებამდე ჩალპობილებს,
ღმერთო, შენ უშველე უნიათო
სხეულებს სულები აპოვნინე.
გაძღა ეშმაკი და გვერდზე გადგა,
გვამი დააპურა, ამოივსო,
ისევ წარღვნაა და ისევ ომებია,
ლამა საბაქთანი–უფალო იესო!
ლამა საბაქთანი– უფალო იესო!