იქ ცას დრო სცვივა, ვით ქვიშის საათს ქვიშის ბურღული,
უკიდეგანო იისფერ სივრცეს ქვეშ ეგება თეთრად
თოვლი ფაფუკი, თოვლი უდნობი და თოვლი თბილი,
ქარი დაჰქრის, ქარი ნავარდობს დაუღალავად, ლაღად,
მთის ჩუხჩუხა მდინარეს ჰგავს ჰაერი გრილი, რბილი,
წყვდიადში რომ უერთდება ოკეანეს ყინვის მარად,
იქ არ ამცნობენ სამყაროს ჩიტები მგალობელი
ალიონზე, ერთი კი არა, სამი მზის  ამობრწყინებას,                                       
ცაზე მზე სამად, გულში იმედი სამად ჩაღვრილი,
მგონი, მიწას პირველად აქ მოევლინა ღმერთი სამებად,
თეთრი სავანე, და სითეთრეში მოჭრილი თვალი,
ცაზე სამი მზე! ღმერთო ჩემო! მართლაცდა, რა ლამაზია!..

---------------------------------------------------------------------------------------------------------------------------------------                                                                                                             

ამ ეფექტს <<მზის მოჩვენაბა>>, ან << ყინულის შარავანდედი>> ეწოდება, ეს ოპტიკური ტყუილი,გამოწვეულია
ცაში ყინულის კრისტალების ღრუბლის წყალობით... ამ მოვლენის ხილვა შესაძლებელა, მაგალითად, ტუნდრაში,
დედამიწის არქტიკული სარტყლის სამხრეთ ზონაში,უტყეო სივრცეში, სადაც მარადი გაყინულობაა...