ლბილი სძლევს მაგარს,
სუსტი  ძლიერს ძლევს,
თუ იარაღად მოიმარჯვბს
ღვთიურ სიყვარულს.

                          ***
მაღალ კოშკს მუჭა მიწით ააგებ,
ნაბიჯით გალევ ათას უტევანს,
ოღონდ ნუ ეძებ მაღლობს და კვარცხლბეკს,
რადგან დრო-ჟამზე გამეუფება 
მდინარის მსგავსად
დაბლობის მეტრფეს ხელეწიფება.
                       
                        ***
ბევრი ფიქრობს, რომ ლექსი არის
რითმა და რიტმი,
ბევრიც ანიჭებს საკუთარ თავს
სახელს  პოეტის.
ზოგი ადვილად იხიბლება
ზერელე სიტყვით.
დრო - შეუცდარი ჟიური კი
გვერდიდან უმზერთ
იცის: ვერ შეძლებს ხანგრძლივ  დგომას
შემდგარი ცერზე.