ნაწარმოებები



ავტორი: ჯიჯი
ჟანრი: პოეზია
10 თებერვალი, 2015


რომ მამღელვარებს, მიმძაფრებს განცდებს

„ნუთუ ამ ქვეყნად მისთვის მოვედი,
რომ უნდა მხოლოდ ლექსები ვწერო“.
                                    ლადო ასათიანი

„ლექსს მე ვუწოდებ მოვარდნილ მეწყერს“.
                                                ტიციან ტაბიძე

მე იგი ასე რად შემიყვარდა                                                                           
რად შემიყვარდა მე იგი ასე,                                                               
მაქვს არაფერი, თითქოს,  მის გარდა,                                                   
რომ მამღელვარებს, მიმძაფრებს განცდებს.                                     
მე შევიშალე, უკვე გავგიჟდი                                                         
ნურვინ იჩქარებთ, არც მინდა შველა,                                               
ვეღარ დამიშლით და ნურც დამიშლით,                                         
ლექსთა გრიგალმა თუმც გადამთელა.                                                 
ეს გაგიჟება ტკბილია მეტად                                                                     
ეს გაგიჟება ტკბილია უფრო,                                                               
როდესღაც, თითქოს, მე დამებედა                                                   
ლექსებით ასე რომ ვისაუბრო.                                                                 
მე იგი ასე რად შემიყვარდა                                                                       
რად შემიყვარდა მე იგი ასე,                                                                         
მაქვს არაფერი, თითქოს, მის გარდა,                                                       
რომ მამღელვარებს, მიმძაფრებს განცდებს.

                                                            7.02.2015

კომენტარები ილუსტრაციები რეცენზიები