არ მსურს მეფობა,
არ მივტირი დიდებულ გვირგვინს,
ანდა მის ირგვლი
ანგარებას, შურსა და
ტალახს.
არ მსურს მეფობა,
ჩემს სულს ვიცი მცირეც ეყოფა
და ვერც სალი კლდე დაუდგება
გაფრენის სურვილის.
დღეს ძლევამოსილ ლუდოვიკოებს
ხვალ იმ ვერსალში გამოამწყვდევს
მძიმე ეპოქა.
არ მსურს მეფობა.
მირჩევნია მთელ თქვენს
დიდებას
იმ მიწის სუნი
სადაც ვიცი ჩამასვენებ,
როგორც ტერენტი,
ვით ალან პო
როგორც გოეთე,
ჯანდაბას მერე ყველა წოდება
გარდა პოეტის!