(ეძღვნება პატარა ესპანელ ბოშას, რომლის სიმღერამ დაადუღა ფეისბუქი)

აჰა, დადგა „რეიესიც“, ერთ სურვილს ვთხოვ მოგვებს,
ვიცი, მათ რომ ჩემი ესმით, მამას მინდა ჰქონდეს,
სულ უბრალო სამსახური, შეეწიოს ღმერთი!
საჩუქარი, არნახული, ეს იქნება ჩემთვის...
მი კარინიო, მი კარინიო, გულით შეგთხოვთ ამას,
მე ნურაფერს ნუ მაჩუქებთ, დამისაქმეთ მამა!
ძვირფასებო, ამ სიმღერას მხოლოდ თქვენთვის ვმღერი,
მამას ჰქონდეს სამსახური, მე კი თბილი ჭერი...
გთხოვთ, მოგვებო, შეისმინეთ ეს სიმღერა-კვნესა,
რა ხანია მამის ჯიბეს არ უნახავს პესოც!
აჰა, დადგა „რეიესიც“, მე ვუმღერი მოგვებს,
ღმერთო, მოგვეც ლუკმა-პური, ლუკმა-პური მოგვეც!!!
                          25.03.15

რეიესი - მოგვთა თაყვანისცემის დღესასწაული ესპანეთში
მი კარინიო - ჩემო ძვირფასო