ნაწარმოებები


“წერილების კონკურსი“     * * *     დაწვრილებით ურაკპარაკის ფორუმზე კონკურსების თემაში     * * *     http://urakparaki.com/?m=13&Theme=1517     * * *    

ავტორი: თეა თაბაგარი
ჟანრი: პოეზია
30 აპრილი, 2015


ა ი თ ე ა

სული დაითბუნე, აითეა,
სიმშვიდე მოისხი თავშალივით,
თვითონ ალაგდება არითმია,
თუკი ეცდები და თავს უშველი.

ფიქრი დაითბილე, აითეა,
თმიდან ტკივილები ჩამოვარცხნე,
დილით დამთავრდება ღამისთევა,
დარდით დაილევა ყველა მარცხი.

ლოცვით დაითმინე, აითეა,
რამდენ განსაცდელსაც ზიდავ გულით,
თაფლის სანთელივით აინთება
უფლის სამყოფელში სიყვარული.

კომენტარები ილუსტრაციები რეცენზიები