ნაწარმოებები



ავტორი: ნინო დარბაისელი
ჟანრი: პოეზია
19 ივნისი, 2015


მებადურული

(ციკლიდან - ეტიუდები)


- ქეჯნაო, როდემდე უნდა მდევდე,
ფიქრებს მიშფოთებდე და მირევდე!
წაველ დარდიანი, გზას მივენდე,
და გზამ მიმიყვანა მდინარემდე.

ბადეს დასცქეროდა მებადური,
იერი ჰქონდა მედიდური.
მიველ და ვუამბე სატკივარი,
ბედისა წამომცდა საყვედური.

-ნუ ხარო ცხოვრების უმადური
და ნუღარც ნურავის ნუ ემდური,
ჯობია, იყოო ბედნიერი,
ვიდრე მართალი და უბედური.

კომენტარები ილუსტრაციები რეცენზიები