| ავტორი: ჯიჯი ჟანრი: პოეზია 21 სექტემბერი, 2015 |
აწყვეტილი ჭენება, რაც გულს ასე ენება და ველური მშვენება მოსკდა, განიაღვარდა, რაღაც უფრო ახალი, უფრო სახელმაღალი, უფრო სულ სხვა, სხვაგვარი გრძნობის ალი ავარდა. არა ეფემერული, სისავსით შეფერილი, უმხურვალეს წერილი და სხვა ცეცხლად ანთება, ფერად-ფერად-ფერები, ფერი გამახელები, მთვრალეული, მწველები, მთლად რომ დაიშანთები. გრიგალების თარეში, თქეში წვიმის თვალებში, ალისფერად ფარდებში გახვეული ზმანება, ლექსი არა ხნიერი, ლექსი ასეთ იერის, მოღვარული ძლიერად, შმაგად მოექანება. ტალღათ შორი ხმაური, აღტაცება სხვაური, მქუხარება ზღვაური გულს მძაფრად დაესობა, მთავარი გზა მესამე, შენ დღეს სხვაგვარ ეწამე და უკვდავყავ ეს წამი ---- გრძნობის მარადისობა. რაღაც უფრო ახალი, უფრო სახელმაღალი, უფრო სულ სხვა, სხვაგვარი გრძნობის ალი ავარდა, აწყვეტილი ჭენება, რაც გულს ასე ენება და ველური მშვენება მოსკდა, განიაღვარდა.
კომენტარები |
ილუსტრაციები |
რეცენზიები |
|
4. ყოჩაღ. კარგია ყოჩაღ. კარგია
3. ისე მართლა მეჯდა თავში გალას "ლურჯა ცხენები" და მერე ეს დავწერე, მაღალ საფეხურზე ასვლა საკუთარი სტილის მიგნებით ხდება, მართალია, მოდით ეს ლექსის ასეთი სტილის თაყვანისცემად და გონებაში ჩამჯდარი გალას პოეზიის გონებიდან ვეღარ ამოვარდნად ჩავთვალოთ. ისე მართლა მეჯდა თავში გალას "ლურჯა ცხენები" და მერე ეს დავწერე, მაღალ საფეხურზე ასვლა საკუთარი სტილის მიგნებით ხდება, მართალია, მოდით ეს ლექსის ასეთი სტილის თაყვანისცემად და გონებაში ჩამჯდარი გალას პოეზიის გონებიდან ვეღარ ამოვარდნად ჩავთვალოთ.
2. გავლენისგან ბოლომდე თავისუფალი ალბათ მხოლოდ გალაკტიონი იყო, მაგრამ აქ მხოლოდ გავლენაა. გავლენისგან ბოლომდე თავისუფალი ალბათ მხოლოდ გალაკტიონი იყო, მაგრამ აქ მხოლოდ გავლენაა.
1. ვერ მოვიწონე.
წარმატებები ვერ მოვიწონე.
წარმატებები
|
|
მონაცემები არ არის |
|
|