ნაწარმოებები


ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ოთარ ცისკაძე
ჟანრი: თარგმანი
14 ოქტომბერი, 2015


სარა ტისდეილი - მიყვარდა ზღვაზე დროსტარება

მიყვარდა ზღვაზე დროსტარება, მქრქალ ქალაქთ  მზერა
და ყვავილების ხვაშიადი უტყვი და ნაზი,
მუსიკა, შემდეგ გარდაქმნილი ლექსის პწკარებად,
სამოთხის განცდა და განცხრომა ერთი საათით.

პირველ ვარსკვლავთა გამოჩენა  მყინვარის მაღლა,
სიბრძნით აღვსილი და კეთილი ბაასი ხალხის,
დიდხანს მიჩქმალულ სიყვარულით შეხედვა ახლად,
ბოლოს და ბოლოს დანახული შემხვედრის თვალში. 

მიყვარდა ძლიერ და ასევე მეც შემიყვარეს -
ოდეს ჩემს სულში მინავლდება ტრფობის სახმილი,
მარტო დამტოვე, შემატოვე ბნელს და  სიწყნარეს,
რომ განგეშორო დაქანცული მეტრფე ხალისით.

14 ოქტომბერი, სვეტიცხოვლობა,  2015 წ.



Sara Teasdale - I Have Loved Hours At Sea 

I have loved hours at sea, gray cities,
The fragile secret of a flower,
Music, the making of a poem
That gave me heaven for an hour;

First stars above a snowy hill,
Voices of people kindly and wise,
And the great look of love, long hidden,
Found at last in meeting eyes.

I have loved much and been loved deeply --
Oh when my spirit's fire burns low,
Leave me the darkness and the stillness,
I shall be tired and glad to go.

კომენტარები ილუსტრაციები რეცენზიები