კატები  უყვარს  ნუცას
და ძაღლიც, სახლის მცველი,
ციყვიც, კურდღელიც, თუმცა,
ყველზე მეტად-  ცხენი.
როცა რამეს  ოცნებობს,
(თუნდაც,ძალიან  ძნელი,)
სულ  შველის ლია ბებო,
ისაა, მისი მხსნელი!
აფრინა აცანაში ,
ბებომ, ბარათი ვრცელი,
რომ  ვანო ბაბუ, დაშვრეს,
და მოიძიოს ცხენი..
კვიცს  მიუყვანენ ვანოს,
ჰოდა, ნუციკოც იცდის,
თბილისს, რომ გაატანონ,
და ჩაისახლოს კვიცი.
დაუყრის სახლში ბღუჯად,
ბალახს მაცივრის ახლოს,
დაარქმევს,ალბათ, „ლურჯას“,
„ქურანას“ ან „მარგალოსს“.
„აქ, მიცკევიჩზე, დარჩეს,
რაც უნდა, ის ინებოს“.
კვიცი, რომ კვიცს გააჩენს,
იმას აჩუქებს ბებოს!