***
მსგავსი ცვლილების შეუძლოა ვიყო მოქიშპე,
და როგორც არის, თანახმა ვარ,
არ მსურს კამათი,
ჩაგეხუტები, მაშინ როცა ზურგსაც მომიშვერ,
როცა მუცელზე
შენ საკუთარ ნაწილს ამათლი.
მოსაწყენია გაცვეთილი თემის განვრცობა,
რას ვგრძნობ, რთულია შევურჩიო ახლა სახელი,
თუ მეშინია,
ალბათ ის რომ, დავრჩე ნაცნობად,
თუ მიხარია,
ის, რომ ჩემთან გადმოსახლდები.
მსგავს ცვლილებებთან უძლურია გეომეტრიაც,
არითმეტიკაც, და ფიზიკის ყველა კანონიც,
ისე მიყვარხარ,
რომ ლექსები ხშირად გეტყვიან,
ახლა კი ყველა დაფიცება შენით გამომდის.
და შევიცვალე მთელ წარსულთან რადიკალურად,
ჩანერგე ჩემში ფორიაქი,
შიში,
სიფრთხილე,
სწორედ ამიტომ ჩუმად ვარ და
ამის დასტურად,
ისე მიყვარხარ,
რომ აქამდე ვერ გაგიმხილე.