ნაწარმოებები


დაფინანსება!!!     * * *     დარჩით სახლში!!! გადავარჩინოთ ერთმანეთი!!!     * * *     ურაკპარაკი ერთ-ერთი ის ადგილია, სადაც ოფიციალურად ნებადართულია ადამიანთა ნებისმიერი რაოდენობის თავშეყრა!     * * *     შემოდით თემაში: “ურაკპარაკის ფორუმი >> ჯერ ეს იყოს >> კორონა და ურაკპარაკელები“

ავტორი: თაზო ქიზიყელი
ჟანრი: პოეზია
13 დეკემბერი, 2015


ისე შეგეჩვიე

ისე შეგეჩვიე, როგორც მარტის წვიმა,
ახლად გამოკვირტულ, ტანწერწეტა ნუშებს,
მაგრამ ნოემბერში სულ სხვა გემო ჰქონდა
მზეზე გახუნებულ შენს თმებსა და ტუჩებს.

როგორც მზემ აპრილი, ისე გადამრია,
ისე განვიცდიდი მაგ მთრთოლვარე მკლავებს.
შენს ტანს ვნებიანი სურნელი მოჰქონდა,
როცა დავეძებდი ზედ დაბნეულ ხალებს.

და როგორც მაისმა, გული ამიჩქროლა,
როცა ვუცქეროდი შენს უძირო თვალებს.
თითქოს ამ ძარღვებშიც შენი სისხლი ჰქროდა,
ისე ჩქარა ვთვლიდი იმ ღამინდელ წამებს.

ახლა უშენობა უკვე აღარ მინდა,
ალბათ შენით ტკბობა დამიბრუნებს ნუგეშს
და ველური ჟინი, ასე რომ მოგქონდა,
ვიცი, გაზაფხულზე ამიფეთქებს ნუშებს.

თ. ქიზიყელი

კომენტარები ილუსტრაციები რეცენზიები