ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: სერგეი
ჟანრი: პროზა
28 აგვისტო, 2016


მეგობრები

სროლის ხმა გაისმა ჯერ, მერე მინის მტვრევა... მატარებელი გაჩერდა და საშინელი ხმაური ატყდა, ვიღაც კი ტყისკენ გაიქცა სწრაფად .
---აი, გაიქცა! ნახეთ გარბის!....
კუპეში მძიმედ სუნთქავდა მოხუცი მამაკაცი...სისხლიანი ხელი მჭიდროდ მიეჭირა მხარზე...უცნაურად  იღიმებოდა....კუპე სავსე იყო ხალხით...ყველა უნდოდა ახლოდან ენახა ლეგენდარული მენსონი!  ნუთუ მართლა  ესროლეს??????....კი მაგრამ რატომ???
---ოჰ!  ეს ხომ დიდი მენსონია?  თქვენ ხართ მართლა???  ვინ გესროლათ?  როგორ შეცვლილხართ!  ავტოგრაფს მომცემთ?  აჰ....ხელი გტკივათ?  კარგით....მაპატიეთ! ყველა ფილმი მაქვს თქვენი ნანახი!!!.....ეს მენსონია!  ღმერთო!..მენსონს ესროლეს!!!....რა საშინელებაა!!!!!
---გაიწიეთ!  ძლივს სუნთქავს!....  ექიმი მოუშვით!....


                      ....                                              ....                                        ....


საავადმყოფოში საღამოსკენ ვიღაც ჩუმად შეიპარა პალატაში...ერთხანს ჩუმად იდგა , მიიხედ-- მოიხედა მერე საწოლს მიუახლოვდა.
---მენსონ!..ეი მენსონ!  ხომ კარგად ხარ?  გძინავს?..მე ვარ .....
მენსონი გადმობრუნდა
----შეეენ???...გმადლობ მეგობარო!.... არ ვიცი კიდევ როგორ....ხომ არავინ დაგინახა? რატომ მოხვედი?  საშიშია ასე......მერე გნახავდი....
-----არაფერია..არის რამე?...აბა ?
----კი, როგორ არა.... ცენტრალური  გაზეთის პირველ გვერდზე გავედი!.... ორმა ტელევიზიამ მიმიწვია უკვე...სერიალი არის რაღაც ...იქაც გავახსენდი და რა ვიცი....გამოვიდა მგონი...
--კარგია
----ჰო, მაგრამ ერთხელაც...
----ვიცი, მე მჯერა შენი, მაგრამ ერთხელაც  .....--და მათ ერთდროულად გაიცინეს
----ერთხელაც ვეღარ ამაცდენ...
----ჰო...მაგრამ მე  ჯერ კიდევ კარგად ვისვრი...!
----გმადლობ მეგობარო.....ჩუმად!.... ვიღაც მოდის..წადი, არავინ გიცნოს.....ტელევიზორში მოვისმინე,  თვითმხილველები ამბობდნენ....გეძებენ, ხომ იცი.....ჰო, მართლა! დამპირდი რომ ღირსეულად მომკლავ მერე ....
სტუმარმა  ხმაურით ჩაყლაპა ნერწყვი, რაღაცის თქმა უნდოდა კიდევ , მაგრამ მენსონმა ხელით შეაჩერა.........
სტუმარმა  ქუდი ჩამოიფხატა და სწრაფად  გავიდა.......
მენსონს ცრემლით აევსო თვალები და ჩუმად ჩაილაპარაკა:
--გმადლობ, მეგობარო.......................


ს.ნ. 2016.



კომენტარები ილუსტრაციები რეცენზიები