ნაწარმოებები



ავტორი: ნინო დარბაისელი
ჟანრი: პოეზია
28 აგვისტო, 2016


მწყობრული

წელში ხრის საპალნე სახედარს,
თუ ბარგი ზომაზე მეტია.
რაც ჯაფა დაგვადგა, ვინ ხედავს,
ჩვენს ტყავში ვინ შემოეტია!
ვთხრით,
ვანგრევთ,
ვჩეხავთ და
დავცინით,
თან ვხარობთ,
ვხალისობთ ღლიცინით,
საღვთო რომ გვექცია საქაჯედ,
შხამ-ბალღამს ვასმევთ და
გავტანჯეთ.

ჰო ასე,
მტერო და მომხვდურო,
სიზანტე არ გვისაყვედურო,
ჩვენ მეათასედიც გვეყოფა,
ფასი ჩვენს სამშობლოს რაც ადეთ.
ამოვთხრით და მუქთად მოგართმევთ,
გვაცადეთ, ბატონო ,
გვაცადეთ!

კომენტარები ილუსტრაციები რეცენზიები