სიცოცხლეს
სევდა და სიხარული
ისე ამშვენებენ
ვით სივრცეს ღრუბლები
სხვადასხვა ფერისანი.
***
სახლიდან გამოვიდა
და ცით გადახურულ
წვიმას შეეფარა...
***
გტკიოდეს მეზობელი
რომელმაც არ იცის
რომ შენი იატაკი
ჭერია მისთვის.
***
ცა გაალამაზა
და მზეს გადაევლო
ნისლიდან აფრენილი ბეღურა.
***
ქალი მთაზე-
თითქოს დედამიწა
ცას უწვდის თაიგულს.
***
შენგან დავიწყებულმა ცამ
გუბურიდან
მზე გამოგიწოდა...