სხვის სულში ნურასდროს ჩაყვინთავ,
სიღრმეში რა იცი, რა დაგხვდეს...
თვალებზე შეძელი წაკითხვა,
მიგიშვებს ეგ „სარკე“ სადამდეც...
აცალე სხვის ურემს ჭრიალი,
იქნება გზა ექცა მეგზურად!
ხარ კია მის ბედზე ჭკვიანი?
შე კაცო, შენსაზე გეზრუნა...
სათავისთავოა ცხოვრება,
შენს ომში დამხმარე -არავინ!
თავის თუ შეძელი მორევა,
ეგაა ყველაზე მთავარი!
იღბალი თავისთვის ნარცისობს,
გიყურებს, ამ ზღვას თუ გაცურავ...
მძიმეა ცხოვრება? - არც ისე,
თუკი გაიარე კაცურად!
27.11.17