ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ნეკერა
ჟანრი: პოეზია
25 იანვარი, 2009


გარდაცვალება

დრო - ათასფეხა
გაახუნებს დაფნის გვირგვინებს,
შერჩები სარკეს,
ეროზიულ ქერქის ამარა,
ყველა ნაოჭი, ყველა კუნთი
ძვლებზე მიცოცავს
ქვემოთ, ნაღვენთი სანთელივით-
დაპატარავდი.
მთელი ცხოვრება გავლილია,
გიხმობს სამარე,
მზის სხივს თან მიაქვს
ამოსუნთქვა უკანასკნელი,
გაქრები ისე უჩუმრად
და უპრეტენზიოდ,
თითქოს სინათლეს
მიაფარეს ფარდა სარკმელზე.

კომენტარები ილუსტრაციები რეცენზიები