ნაწარმოებები


ვულოცავთ!!! მუხრანის პრემიის გამარჯვებულებს, საიტის წევრებს ირაკლი ასლანიკაშვილს და თეა თაბაგარს. დაწვრილებით ლიტ-მოვლენაში     * * *     ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ნათია დაშნიანი
ჟანრი: პოეზია
7 მარტი, 2018


----- * * *------

შემოპარულმა გაზაფხულმა
თეთრი ხელები
მოხვია ატმებს.
დასახეთქი
კვირტები ეწვით,
ბორკილებს ტეხენ ყვავილები-
ზამთრის მძევლები,
მამა-პაპათა ნასახლარზე
ქვითინებს ლერწი.

წუხელის მთვარე დაატყვევა
სავსე ფიალამ,
თვალცრემლიანო ალუბალო
რა მალე თვრები,
ვინ იცის მარტმა რა კოცონი
აგიბრიალა-
გამექეცი  და გიშრისფერი
გაშალე თმები.

გულს ნუ გააღებ აპრილამდე,-
მარტი ცივია,
შემოგიძვრება თბილ უბეში,
ბოლომდე შეგშლის,
თოვლის ზეწარი ენძელებზე
გადაცლილია,
გარეთ კი არა,
გაზაფხული ფეთქდება შენში.

კომენტარები ილუსტრაციები რეცენზიები