( მე ვიზეიმე გამარჯვება, სიკვდილი ვძლიე.
                                                  შენ მეყვარები, მიყვარხარ და მიყვარდი ძლიერ!)

ფართო დერეფანი...  მიღიმის მედდა,
ირგვლივ წამლის სუნი  აზავებს აირს,
დღეს ისევ თვალებში ჩავხედე მზეს და
კოცნა გავუგზავნე სანატრელ რაინდს.

დედიკოს თბილ ხელებს შევახე ხელი.
მამიკოს თვალებზე შევნიშნე ცრემლი...
კვლავ მინდა დავბრუნდე დერეფნით უკან,
(სიყვარულს ბრძოლა და ფერება უნდა.)

                                    ***
არ მინდა შენი მწვანე ცხენი სიკვდილო, მძულხარ!
ჩემო ძვირფასო მომეც ხელი, დღეს ჩემთან თუ ხარ.
გიგრძენი, რადგან ჩემი სული აფრინდა ცაში.
შენ ამიტაცე ხელში, როგორც პატარა ბავშვი.
იცი?  მიყვარხარ, მე შენამდე ჩემს წარსულს წავშლი.
მხოლოდ აწმყოთი და მომავლით მოგყვები კვალში

მიყვარდი ძლიერ, მიყვარხარ და კვლავ მეყვარები,
დღეს დავამტვრიე მე სიკვდილის ბნელი კარები:
ვერ დამამარცხებ, ბრძოლა ვიცი სიკვდილო, იცი?
ცისფერი სისხლით მასთან დავდე სიცოცხლის ფიცი.

მხოლოდ სიცოცხლე!  მომავლისთვის რეკენ ზარები.
გეტყვი ათასჯერ, მიყვარხარ და კვლავ მეყვარები!!!...