მაგ ლამაზ სახეზე ღიმილი საოცრად გიხდება,
ამ ქვეყნად სად არის მაგ შენი თვალების სადარი!
ვინც გნახავს:-ცამ გშობა და ამას უმალვე მიხვდება,
სულში მაქვს ლექსი და გულში მაქვს ცეცხლი და ღადარი
შენით და თითები თხელი გაქვს,პეპლის ფრთებს მიგიგავს,
ტუჩები ალუბლებს,ზედ მთვარის სხივები გადნება,
ხარ ჩემი ცხოვრების ყველაზე ზღაპრული იგავი
და ჩემი სიზმრიდან ყველაზე ლამაზი კადრები.
ქალი ხარ ღმერთივით,ანუ ხარ უცნობი ქალღმერთი
და შენს წინ მინდება უბრალოდ მუხლებზე დაცემა,
რა წუთას გიხილე,იქიდან მხოლოდ შენ გაღმერთებ,
ასე ვართ ყოველთვის პოეტი და ლექსისი კაცები.
აგიყვან დიდებით ყველა ჩემს ოცნების პარნასზე,
დედოფალს გვირგვინად დაგადგამ ვარსკვლავთა ნათებას,
შენა ხარ სამყაროს ყველაზე უზადო ალმასი
და ბედის სასწორზე მხურვალე გრძნობების დადება.
შენა ხარ ზღვის სუნთქვა და მასზე ტალღების ტაატი,
მე-ქვიშის ნაპირი და ჩვენი შეხება მაცდური,
როდესაც სხეულში მაგ ტალღებს ვერაფრით დაატევ,
მოაღწევ ჩემამდე და სანამ კვლავ წახვალ,-მაცდუნებ,
შემდეგ კი კვლავ გელი მდუმარე,მტანჯველი ლოდინით,
მოდიხარ,წალეკავ ყველაფერს:-ჯებირებს,ნაპირებს...
დამრჩება სახსოვრად ზღვის ქაფით სოველი ლოდები
და შენით პირამდე ავსილი ამ გულის საპირე.
მე როგორც ნაპირი და შენ ზღვა,სულ თვალწინ იყავი,
ახლაც ხარ და მთვარის სხივები ტუჩებზე გადნება,
ხარ ჩემი ცხოვრების ყველაზე ზღაპრული იგავი
და ჩემი სიზმრიდან ყველაზე ლამაზი კადრები...

                                                                      დმ.2019წ.