ვარსკვლავი მოსწყდა მიიმალა გაუჩინარდა,
და ღამე კისრით დაეკიდა ფიჭვის ტოტებზე,
ყველა პლანეტა აკაშკაშდა მერკურის გარდა,
ჭადარი ლანდებს გაესაუბრა დანაყოფებზე.

შორს უღრან ტყეებს შერჩენიათ მეტი სითეთრე,
აქა-იქ თოვლი,იდუმალი გამყინვარება,
არიცი ხვდები ფოთლებისგან აკინძულ აბრებს,
დიდი ხანია დაუკარგავთ გამჭირვალება.

მჭირდები...ახლაც უშენობით მოირთო მთები,
უცნობ მცენარეს მიეპარა ნიავი ცივი,
ნეტავ ამ წუთას ვინმეს მაინც თუ ვაგონდები,
მაშ რად ეცემა არემაერეს მრისხანე სხივი?!

მყუდროება...წასვლა სადღაც არ დაბრუნება,
გამბედაობა,უშიშარი და მგლის ეშვები,
შენ არ დაგიშლის არც ჭკუა და აღარც გონება,
წახვალ შენი გზით და ალპებიდან გადაეშვები...