სიყვარულს დაუწესეს დღე და სასწაული,
მერე ყველაფერი თავისით დალაგდა,
ღამე უსასრულოდ აქსოვდა ფერებს და
ვთხზავდი ისტორიებს მარტოსულ ქალაქთან...
სიყვარულს დაუწესეს დღე და ჩარჩოები,
ბუნებაც არჩევდა დარებს და ამინდებს,
და თუ შენი წასვლით სრულდება ეპოქა,
მე იმ ლამპიონების საგზლებად ავინთებ...
სიყვარულს დაუწესეს დღე და ბილეთები ,
ხელში რომ გიპყრია, ინახავს იმედებს,
ყველა დღე სიყვარულს ვაჩუქოთო ამბობდი,
ახლა კი გრძნობისთვის წუთსაც ვერ იმეტებ...
სიყვარულს დაუწესეს დღე და საოცარი,
თვეები განვლილი ჩემოდნად ჩალაგდა,
იყრება გზები და კვლავ უსიყვარულოდ
მე ვრჩები პირისპირ ნაცრისფერ ქალაქთან...