#ლექსები

ნინო დარბაისელი

რილკე. ეგვიპტე. გიზა

მოვალ,  დაგელოდები  დიდი სფინქსის თათებთან.
გამოჩნდები გვიანი, თვალებს  მომანათებ თან.

გელის სფინქსი მდუმარე, ვერავისგან ძლეული
და ლოდინში გასულა სამი ათასწლეული.

სილის უდაბნოეთი, ირგვლივ -  არე ულევი.
ნეტა აქ რას დავეძებთ  თავგზაარეულები.

სადღაც,  შორით მოისმის ხმები ბედუინური…
რილკეს  - ელეგიები - მახსოვს მე-  დუინური.

მისი  მოგზაურობა, პაპირუსი,  ნილოსი,
ელანდებათ იგი დრო  პალმებს  სანაპიროსი.

ალბათ რილკეს ხსენებამ გააღვიძა წარსული,
ავსული და არსული, წარსული - დათარსული.

დღისით  სილა  მხურვალე, ღამ-ღამობით
ცივდება.
ცვდება გადატანილი, სირთულე - მარტივდება.

ბნელში გათამაშდება სცენა ბევრჯერ ნაცადი:
მე ვარ ქალად ქალადი, შენ ხარ - კაცად კაცადი.

ცივა როგორ,  ლანდსაც კი გეკრობი ნაციები…
სულ უდაბნოს ბრალია ჰალუცინაციები!