/"უნდა გამოვიქცე  შელბურისკენ..."/


ჰო,
აქ შერბურია...
ქოლგებიან
ნავებს დააცურებს მისტრალი და
სულში სურვილებად გორდებიან...
წვიმა ცრემლად მოდის ცისთვალიდან.

რა ვქნა?..
წუხელ ისევ დამესიზმრე,
/ჰოი, სიყვარულო, მეხად მოდი!../
ვითომ სასთუმალთან იჯექი და
მტკივან მარცხენაზე მეხებოდი... 

მეც ხომ სუსტი ვარ და...
სამარცხვინოდ...
მთვარეს შევყურებ და ლექსად ვბოდავ...
დილით დავხედე და ჩემს მარცხენას
შენი ანაბეჭდი ეტყობოდა.