სულო  - 
დაისებრ  ლამის  მიმქრალო
(კვლავ  რომ  ხალისობ  დილის  ნიავთან...),
სიკვდილზე  მუდამ  ბევრმოფიქრალი,
უკვდავებასღა  ელტვი  ნიადაგ!..

გულო  - 
მიწყივ  რომ  იწვი  სანთლისებრ
(თუმც  წყლული  წამით  ვერ  დაგიამდა...),
განწირული  ხარ  სამარადისოდ,
სიყვარულისთვის  ძგერდე  ნიადაგ!..

სიცოცხლევ  - 
მზიან  ცას  შეხიზნულო,
( ვიდრე  მიმწუხრის  ნაპირს  მიატან...)
უნდა  ეწიო,  რასაც  ისურვებ
და  აჯავრებდე  სიკვდილს  ნიადაგ!..

ამ  წამს 
მთვარესთან 
(ცად  რომ  მიცურავს,,,)  -
უცხო  ვარსკვლავმა  გაიჭიატა...

09.  06.  2008 წ.