ქ.თ. -ს

მზის ამულეტად
ვერცხლის საკიდზე გაკონწიალებ -
გამყოფს მიმშვენებ.
შენი ერთგული ცოლი კი დაღმა
დღე და ღამეც დაყვება სხეულს და
გულდასმით აშრობს ნათითურს.
თუ გაენდე, სუიციდისას რომ ჩამისახლე და
ჩაკარგე, აჩქარებულ პულსაციად
ჩვენ ორთა შორის?!
შენ, ისევ გახსოვს, ხმელი კაფე - გერბარიუმი,
სადაც ტუჩები დაბნეულმა გადაგიცვალე..
შიშვლები რომ წვიმას ვეშვილეთ?
შენ წვიმაც გახსოვს და გალუმპვაც შუა მარტში..
დედამიწის ორსულობისას და ერთგული,
თუ  მტვერსასრუტობს,
არც რა ფერია.
მზის ამულეტად
დაგიკიდე ვერცხლის საკიდზე.
აბა, შენ იცი, გამიცრუე,
გადაკარგვის და ჩამოწყდომის ყრუ მოლოდინი.