მე შენი ნახვა ძვირფასო,
ხომ იცი არ მომწყინდება
რამდენჯერც გნახავ იმდენჯერ,
გულში მზე ამობრწყინდება.

ჩემი იმედი შენა ხარ,
შენა ხარ ჩემი დიდება,
ჩემი ბედკრული ცხოვრება,
უშენოდ როგორ იქნება?

სადაც გაივლი ლამაზო,
ია და ვარდი გფენია,
შენს ნატერფალზე ვინ იცის
რამდენი ცრემლი მდენია...

ერთხელ გვეძლევა სიცოცხლე
და ეს სიცოცხლეც შენია,
შენს გარდა ჩემო სიცოცხლევ
სხვა არვინ არ დამრჩენია...