ქ-ს

ჩვენს სამყაროში გაცილებით ახლოს არის მზე,
ჩვენ სულ სხვა ცა გვაქვს, სულ სხვა მიწა და სითბო სულ სხვა,
ჩვენ დედამიწას ყოველდ დილით ორნი ვაღვიძებთ
და ერთმანეთის დღის ყვავილებს სიყვარულს ვუსხამთ.
ჩვენს სამყაროში ზედმეტია ყველა მესამე.
ვიღაცებს უნდათ ჩვენში ცალი ხელის ფათური,
შორიდან,
შურით, შხამიანი ენით მგესლავენ,
ჩვენს სავალ გზაზე, ბარიერებს უფრო ართულებს
ის, რომ მდიდარი სამყარო გვაქვს, ჩვენი სამყარო,
უფრო ახლოა ყველა სითბო, ყველა სიწმინდე,
ჩვენს შორის სივრცეს, ღმერთი ჩვენი სულით ამყარებს,
მინდა, რომ მიწა გასუფთავდეს - ისე იწვიმოს,
და დავრჩეთ ორნი, დავრჩეთ მარტო,
ყველა,
გარშემო,
ფეხზე მკიდია და ყელამდე ამოდის ნელა,
ჩვენს და მათ შორის უზარმაზარ კედელს ვაშენებ,
მე სულ არ ვდარდობ, შენ ჩემი ხარ და სულ არ ვღელავ.

ჩვენს სამყაროში გაცილებით ახლოს არის მზე,
ჩვენ სულ სხვა ცა გვაქვს, სულ სხვა მიწა და სითბო სულ სხვა.