ცისკრის ზარები სიხარულად შემომაგებე,

თუ ისევ სევდა მოდის ნამად,

კვლავ სიყვარული სიხარულათ შემომაფეთე,

უშენო წლები მიქციე წამად...

გულს ჩაუწვეთე ჭეშმარიტება

სული სიმართლით ვკვებო,

არ მომისაჯო კვლავ უშენობა,

თვით სულიწმინდის მტრედო!...

მომეცი ძალა ისევ შეგიცნო,

ზურგი ვაქციო დემონს,

მაჩვენე მხოლოდ შენი ბილიკი,

არ მიმატოვო, სიმართლევ ჩემო.

ამ დიდ სიყვარულს ცოდვად ნუ მითვლი

ისევ შევცოდავ, ღმერთო!

ნუ გამიქრები, ცისკრის ვარსკვლავო,

ნუ შემომაფრქვევ დამჭკნარ ყვავილებს,

ხმელი ფურცლები ვარდის ყვავილზე

არ ეკადრებათ ამაყ მაისებს ...

ნუღარ მომისჯი კვლავს უშენობას,

ნუ მიმინამქრავ თეთრ ფურისულებს,

მზე არ აღირსე, მაისის ბოლოს აყვავდა მაინც...

ნუ გააგრძელებ ამ გაზაფხულის ჩამყლაპავ ზამთარს შემოდგომამდე,

ნუ დამიზამთრებ, კვლავ უყვავილოდ, დაგვიანებულ მაისს...