გავტეხე ნავსი და მოვედი.
ეგ შენი ქალაქი - პოლისი -
სულ წრეზე ბრუნავს და... ნაძვია -
აუსხამს ბრჭყვიალა სამოსი, -
აცვია...
ჰეჰ, როგორ დავთვერი...
ნამქერი,
სლოტკლუბი,
”პაჯერო”,
ქამარი...
დღეს შევკრათ, თუ გინდა, კამარა,
დეკემბრის ცაა და სუსხია.
სულს ღია ფანჯრიდან, - იალა!..
რაც მე უშენობა ვიარე - ჯერ და -
უჩემობაც ვიარე - მერე -
შევერცხლავდა თმაგიშერს!..
ახლა შეგიყუჟებ უბეში,
თბილად შეგიყუჟებ, ნუ გეში-
ნია,
და შორს თუკი გაგიშვებ,
ამ გულს აგადევნებ
ჩიტივით...