აჰა, დალიე, სითამამე დაგისხი ერთიც,
დაცალე თორემ ღამის სუსხი სხეულს მოყინავს.
მიდი, გაშიშვლდი! მოიშორე ეგ ნაფლეთები,
მინდა გიხილო, სიწმინდემდე დედიშობილა.

ბახუსი გიპყრობს, გენასკვება ძილი თვალებზე,
მკერდი გევსება ჩემი მზერით და მორცხვად შფოთავ.
აჰა, დალიე.. კიდევ ერთი... დალიე კიდევ...
ჭიქა ჭიქაზე იცლება და აკლდება ბოთლსაც.

აკლდება ბოთლს და... დავინახე შენს მკერდზე ხალი...
წვივიდან ზემოთ და კისრიდან დაბლა და დაბლა -
გკოცნი და გლოკავ... და ქარივით გიძვრები სულში,
ყველაფერს მაძლევ, სხეულს მანდობ და გრძნობებს მალავ...

ტუჩებს მასრისავ, მეფერები და თითქოს ვერ ვგრძნობ,
როგორ მეხები, მგონებ შენში რაღაცა გაქრა.
არაყი გიდუღს ძარღვებში და სხეულში გახრჩობს,
მივხვდი და უცებ, მომაკვდავმა სინდისმა გამკრა.

მერე?..
  ხო მერე!..
    რა იქნება ხვალ - წავალ როცა...
შენც ალბათ სხეულს ჩამოჰკიდებ თოკზე და... წახვალ...
დღეს კი... დღეს ხალებს გითვლი მკერდზე... გკოცნი და გლოკავ -
წვივიდან ზემოთ და კისრიდან დაბლა და დაბლა...