თუ გინდა ქალს ცუდი უსურვო, უსურვე რემონტი!მტვერი , ნაგავი, უბედურება, მუშები(თან  ”აფერისტები ” თუ შეგხვდათ, ვაი...კეთილსინდისიერები იშვიათად,თან წუწუნა და გაუმაძღრები...და ისინი, რომლებიც საერთოდ აზრზე არ არიან).რას იზამ,რემონტი მსხვერპლს მოითხოვს!სამაგიეროდ შედეგი  სთქვი....ხოლო თუ საქმე კაცის რემონტს ეხება,აქ საქმე გაცილებით რთულად არის!

  ესეიგი,როგორ უნდა გავარემონტოთ კაცი:
 
1)პირველ რიგში უნდა აირჩიოთ ” ობიექტი ” და შეუთანხმდეთ მის მომავალ  ” ფასეულობაზე ”(თორემ გაგარემონტებინებთ თავს და მერე გეტყვით - ”განა მე რამეს შეგპირდიო? ”).

2)” აადღლიზეთ ” და ” აახიეთ ” ძველი შპალიერი და ნაკუწებად აქციეთ. მესმის,საკმაოდ შრომატევადი სამუშაოა,მაგრამ უნდა გამაგრდეთ!აირწინაღი არ დაგავაწიწყდეთ,არ მოიწამლოთ...

3)ხომ ხედავთ, რა უსწორმასწიროა მისი  ”კედლები ”, და არა მარტო...რაც შეიძლება მაგრად ” გაშკურკეთ ” და ძალდატანებით  ” გაშპაკლეთ ”(მეორედ გარემონტების სურვილი რომ დაეკარგოს)

4)აბა როგორია? თითქმის " შავი " სამუშაო მორჩა.ეხლა ჭერი...” შეკიდული ” ჯობია  ”  დაკიდულს ”(ამართლებს).კუთხეებში პატარა ფერადი ნათურებით,ის თუ ვერა,ნათურები მაინც გაგახალისებენ და შუაში ” გრძელი ჭაღი ”(ყოველი შემთხვევისთვის).

5)საძინებელში ” შპალიერს ” არ გირჩევთ...ევრო რემონტი ჯობია...გაღებეთ.ოღონდ არა ცისფრად და არც ვარდისფრად.წითელი ჯობია(ხარზე საშიშია ქალი,თუ მის საძინებელს ეხებიან! აი მაშინ ენთება ვიღაცას წითელი!)თან ეხლა ევროპელობა ხომ ” მოდაშია ”.(თუ ევროპულ ურთიერთობას გთავაზობს,ესეიგი სექსი უნდა,თუ აზიურს-ცოლობა.თუ ამტკიცებს რომ აზიატია და მაინც ლოგინში გეპატიჟებათ კარგად გაურემონტეთ ტვინი,ეტყობა ” რამსები აერია ”და  ” რაქშა ”-თი გადაუხეხეთ)

6)მისაღებში ყვითელი ’” შპალიერია ” სასურველი(აზიურ-გამაფრთხილებელი)...აუცილებლად თავად აიღეთ ზომები, დაჭერით, და მარტომ გააკარით.დაიმახსოვრეთ, სხვისი განახმარი, მითათუნებული და მიწეპებული, არც ვარგა და არცაა სანდო....წებო მაღალხარისხიანი იყიდეთ,თორემ ერთი კუთხეც რომ ჩამოეხიოს, და პატარა ჰაერი შეეპაროს, ან გაიბერება ან სხვას გაბერავს.

7)სამზარეულო სადღესასწაულო ფერებში შეღებეთ და ჭრელი მეტლახი დააგეთ.მერე კი მიუშვით თავის ნებაზე.” ბუხარი ” არ დაგავიწყდეთ , ” გამწოვით ”, თორემ ხანდახან ისეთ ცეცხლს ანთებენ, არც შამფურის დაწვა უნდათ ,არც მწვადის და ბოლი მაინც ასდით.

8)აბაზანა - ზღვის ან ოკეანის მშვენიერებების იმიტაციით მოხატეთ...(თუ კარგად შეასრულებს ნაკისრ ვალდებულებებს, შხაპიც მიაღებინეთ)...საპირფარეშო-ქართული,აუცილებლად!(ეს იმ ძუკნებისთვის, რომლებიც ეცდებიან თქვენი ნაწვალები რემონტის ხელყოფას ,მიხახუნებას , თვალის ” პაჭუნს ” და ა.შ....ანუ ” ჩარეცხეთ ” ეგრევე და მერე დაქლორეთ).

7)იატაკზე-ლამინატი ჯობია.ქუსლებს კარგად იტანს და ადვილად სწორდება! ღია შოკოლადისფერი,რათა ადვილად შესამჩნევი იყოს ,სხვისი  ” განაქუსლი ”.

8)ყველგან ” სენსორული ლამპოჩკები ” დაჰკიდეთ, მეტი ყურადღება გმართებთ,რომ იცოდეთ სად ,რა ,როდის და როგორ.... და რაც მთავარია, უთქვენოთ არ მოხდეს!

9)და ბოლოს, იმ შემთხვევაში,თუ თქვენმა ნაშრომმა შედეგი არ გამოიღო, და არ დაფასდა(რაც საკმაოდ ხშირია)გული არ გაიტეხოთ!დააბრუნეთ ობიექტი ძველ მდგომარეობაში(რაც დარწმუნებული ვარ ყველა გამწარებულ და გაცოფებულ ქალს შეუძლია)მიამტვრიეთ,მოამტვრიეთ, მიახიეთ, გადაასხით ადუღებული გუდრონი(რომ არასოდეს მოსცილდეს შავი ლაქა) აყარეთ იატაკი, ჩამოგლიჯეთ ჭერი, ნახევარი ნაგავი გაიტანეთ და კარებთან დაჰყარეთ, დანარჩენი შიგ დატოვეთ,რომ ხედავდეს და ნანობდეს....როგორი დიასახლისის ხელში იყო  მოვლილი, გარემონტებული,გამაძღარი..როგორ ვერ დააფასა და რა ნაგავში დარჩა!

10)ეძებთ ახალ ობიექტს! წინასწარ იზღვევთ თავს და უყვებით ,თუ რა შედეგი დაადგა მის წინამორბედს....

                                                      არტემიდა  წარმატებებს გისურვებთ!
                                                                                                                          14.11.2011