როს ბოლო პირჯვარს გარდამსახავენ,
და ჩემს აღსასრულს გადავეყრები;
გამაცილებენ ნეტავ სახლამდე,
ღვთისგან ნაგზავნი სერაფიმები?..

გთხოვ, ნუ ჩაიცმევ ჩემს გამო ძაძებს,
და ნუ მიტირებ საბრალო დედა.
სიკვდილი მაინც არ უნდა გძაგდეს,
რადგან სიცოცხლე იქ მელოდება!

ასე სიკვდილი რა იოლია,
თუ ამ სარეცელს იესო მიშლის.
თუ სიმსუბუქემ ამიყოლია,
მაშინ აღარ მაქვს სიკვდილის შიშიც.

გთხოვ, მომაგებე ღმერთო შენი ძე,
თუ გზა ამებნა ცად აღმავალი,
შენი წყალობით თუ ფრთებს შევიძენ,
ვერ შემაჩერებს ვერრა საფლავი.

თავისუფალს და ზეცით მიზიდულს,
ვერ შემაჩერებს საფლავი ვერა!
და შორს გავცდები ნაცნობ ცისკიდურს,
სადაც მარადჟამ ნათელი დღეა.