(ძველი რვეულებიდან)

მე მინდა შენთან, მოვდივარ... ნახე
იები მომაქვს შენსავით ნაზი...
და მიყვარს შენი უმანკო სახე...
და რაა შენი თვალების ფასი?!...

მიყვარხარ ისე უაზროდ მინდა
გაჩუქო ჩემი სული და ხორცი ...
და შენი თმების სურნელი ციდან
ცვივა და ჩემთან ნელ-ნელა მოდის...

ფიქრებით შენზე ვბერდები თითქოს,
ღრმად ვსუნთქავ ზამთარს, ვცივდები ნელა
და რაც კი გულში შემომრჩა სითბო
მე შენთვის მინდა ძვირფასო... ყველა...

მიყვარხარ ისე ძლიერად მინდა
დავხატო  შენი თვალები ცაზე
და მიყვარს შენი სამყარო წმინდა..
და მახსოვს შენი უმანკო სახე...