წყნარი მუსიკა მიაპობს წამებს.
დრო მიდის ნელა,
ვგმობ ლოდინს მტანჯველს.
ფიქრებით შენთან,
                ოცნების ტახტზე,
ჩამეძინება ნატვრის ბაქანზე.
ოცნების ვაგონს ჩაუბამ ფიქრებს,
ისინი მუდამ შინისკენ მიქრის.
ყველაზე ძვირფასს,
              სანუკვარს მიმგვრის,
სიზმრის ლამაზი,
              თუმც ყალბი ხიდი...
გამოღვიძება მომიტანს სევდას,
მონატრებას და სიშორეს შენთან.
საღამო ისევ მომახვევს ფიქრებს,
ოცნება იწყებს დიალოგს შენთან...
ფიქრით მიყვარხარ,
              ოცნებით გხედავ...
ნატვრის წამები მოვპარე სევდას...