ამაღამ უთუოდ ვაკლდები კარნავალს
დამცვივდა ნიღბები გზადაგზა, ამიტომ
ვუკიდებ სიგარეტს ნესტიან ასანთით
თამაში მოგვბეზრდა, სიმშვიდე დავიწყოთ.
გულწრფელებს ყოველთვის არ წყალობს იღბალი
საათის ისრებიც უკუღმა ტრიალებს,
ვიღაცა მოვა და ჩემს "ლექსებს" შევხედავ
რომელსაც იმ ნაგვის ურნისკენ მიათრევს
რომელშიც მე გუშინ ის კნუტი ვიპოვე
ახლა, რომ ჩემ გულზე თათებით დამაწვა,
და ზიზღი ვიგრძენი უცხოსგან იმდენი,
რომ ყელზე მომაწვა და მერე გადამცდა.
სტროფები, რითმები და ჯიბეს ავსებულს
მარილით, ატარებთ გზადაგზა გამვლელებს,
აყრით და ჭრილობებს არ აცლით შევსებას
"ლექსი არ დაწერო" დღეს ვიღაც მავედრებს.