მინდა გავიდე, ვიარო გარეთ
და გარეთ გასულს, მეკავოს აბრა:
"გარეთ ვიარო, გავიდე მინდა"
მაგრამ.. იქნებ და.. იქნებ და.. მაგრამ..

აბრა მეკავოს, გასულს გარეთ და...
ვეტო დაადონ ჩემს ამ უფლებას –
"და გარეთ გასულს, მეკავოს აბრა"
არაჩემსავით გამოსულებმა...

უფლებას, (ამ ჩემს ...) დაადონ ვეტო!..
"გავიდე მინდა, გარეთ ვიარო"–ს.
ვეტო დაადონ, ჩემს ამ უფლებას, –
სახლში მყოფთათვის სულ–საზიანოს...

იქნებ და.. მაგრამ.. მაგრამ.. იქნებ და..
"ვიარო მინდა, გარეთ გავიდე"–ს
"იქნებ და.. მაგრამ.. მაგრამ.. იქნებ და.."
– ასე ვინც ეჭვობს, დარჩით ადგილზე!