თვით სამშობლოში სამშობლოს ვეძებ,
რადგანაც ორი ,,ქვეყნის“ შვილი ვარ...
,,პატარა“ კაცებს ჰკიდიათ ფეხზე,
ჩვენ რომ დავკარგეთ ყველა თილისმა.
ენგურს გაღმაა სამურზაყანო,
არც ილორი გვაქვს,აღარც ბედია...
ვიღაცა კიდევ იმით ამაყობს
,,ხელის ჭუჭყი“,რომ სხვაზე მეტი აქვს.
საქართველოში მეფობს სატანა
და ტაშს უკრავენ მხოლოდ არიფებს,
რარიგ ძნელია იმის ატანა,
ვისაც მივენდეთ,მათ არ დაგვინდეს.
მთვარე ღრუბლების ზღვაში ბანაობს,
მერე სისხლისფრად შეიმოსება,
მოდით, დღეიდან,დუშმანს ვანანოთ,
ივერიაზე თუნდაც ოცნება!
გეყოფათ,სულით,ხორცით ვაჭრობა,
შევინარჩუნოთ ქართული სული!
დღეს თვითმკვლელობა არის ლეჩრობა,
თუმცა ძნელია აღუდგე სურვილს...
როცა სიმართლე გაყიდულია!
ვინ თქვა,მსუბუქი იყოს უღელი?!
წმინდა გრძნობები განწირულია!
თავისუფლებას მაინც ვუმღერი!..