სახელი - სიყვარული,
ასაკი - განუსაზღვრელი,
ჰობი - ახალი სამყაროს შექმნა.

სიყვარული,ეს შერწყმაა ორი ადამიანის,
სიყვარულმა შექმნა ახალი ცხოვრება,
სიყვარულს მოფრთხილება სჭირდება,
სიყვარულის უამრავი ფორმა არსებობს,
სიყვარულით სიცოცხლეს აზრი ეძლევა.



სიყვარული - სულიერი სიახლოვეა საყვარელ ადამიანებთან, ნიჭია რეალურის-ირეალთან შერწყმის, მას გააჩნია სრულყოფილება,რომელიც სიცოცხლეს ხალისს მატებს და აფერადებს. სიყვარული ადამიანის არსებობის დამაჯერებელი გამართლებაა. უამრავი მაგალითი არსებობს სიყვარულის ასაღწერად, აი თუნდაც მზისა და ზღვის,ისინი ყოველთვის ურცხვად ეტრფიან ერთმანეთს, მზის სხივები ვნებამორეულ ზღვის ტალღებში იკარგებიან და ისევ ბრუნდებიან, შემდეგ მათ შორის იწყება , ნელი ვალსი ან თუნდაც ტანგო, სანახაობა იმდენად საოცარი და შთანმბეჭდავია, რომ მათ ყურებაზე გული გამალებით იწყებს ფეთქვას.
სიყვარული თავდაპირველად პატარაა, ნელ-ნელა კი იზრდება და ვითარდება, უფრო წრფელი და გაღრმავებული ხდება, როგორც ჩანასახი დედის სხეულში, ოღონდ განსხვავება ისაა , რომ ის არ იბადება, არამედ ვულკანად იქცევა , რომლიდანაც ამოფრქვეული ლავით იფარება სამყარო და ლილისფერი ხდება.