დეგას წელწვრილი ქალები,
გოგენის ყვითელი ქალები,
პიკასოს წვეტიანი ქალები,
მოდის თვალხილული ქალები,
ნიკალას სევდიანი ქალები...
ნერვებს წატეხილი თავები -
ქალები!
ქალები!
ქალები!
შორეული შიშნარევი თვალები,
ტკბობა და ცხოველი ალერსი,
ლოცვა და მდუმარე ხატები,
მუდარა - იმედი სამების.
სარკეში ორეულს გაატან -
წართმეულ წლებსა და სიხარულს
ლოდინის სულშემძვრელ ტაატთან
ბავშვობის ფერადი ნახატი -
დეგას წელწვრილი ქალები,
გოგენის ყვითელი ქალები,
მოდის თვალხილული ქალები,
პიკასოს წვეტიანი ქალები,
ნიკალას სევდიანი ქალები...
ნერვებს წატეხილი თავები -
ქალები!
ქალები!
ქალები!