ბატონებივით იყო ჩემი სიყვარული.
გამოგაყარა,
შეგაწუხა
და გაგიარა.

აკვარიუმიდან ყველა თევზი სათითაოდ გავუშვი
და იმ ღამეს
მეზობლის სახლიდან გამოვიდა შემწვარი თევზის სუნი.
დილით კატებმა გადაქექეს ნაგვის ურნები.

გუშინ მეგონა, რომ მოვკვდებოდი
მერე გათენდა.

შენ არ მოხვედი..
და პირობა დარჩა პირობად.

მე ერთ ბოთლ მარტინს გადავაყოლე ცხოვრება
შენ რამდენიმე ჭიქაში ჩამატიე.

ბატონებივით იყო ჩემი სიყვარული.
აკვარიუმში აღარ დაცურავენ თევზები..

ჩემო მეზღვაურო!
გაიქეცი მიწიდან და ჩაიკარგეთ ზღვის ტალღებში
შენ და ქალთევზა..

გამოგაყარა,
შეგაწუხა
და მერე გაგიარა..