ყვავილები რამ დააჭკნო
ქარმა საით წაიღო?
როს გიხილე თითქოს მაშინ
გულის კარი გაიღო.
ერთდროს მბრწყინავ ნატიფ სახეს
სითბო რად დაკარგვია?
ეს პირველი სიყვარული
საოცნებოდ კარგია.
თუ ოდესმე დაგივიწყო
პირი მიყოს მიწამ მე,
უგზო–უკვლოდ ხეტიალში
მხოლოდ ერთი გიწამე.
ცრემლით კარგო არასოდეს
დაგენამოს ღაწვები,
ნურსად წახვალ ვრცელ სამყაროს
აბა საით გასწვდები.
თუ წახვალ და შენთან ერთად
წამოვალ... წამიყვანე,
ხომ უყურებ წყალში ვდგავარ
ნაპირზე გამიყვანე.