მთაზე თავთავი თუმც არ გიღვივის,
გულს ნუ გაიტეხ... როგორც ბაჩუკი,
დღეს თუ ქართველი აღარ იღიმის,
ხვალ გაიღიმებს... მოვა სხვა შუქი.
მთაზე თავთავი თუმც არ გვიღვივის,
ტანთ ცოტნესავით გვისვია თაფლი,
დღეს თუ სამშობლო აღარ იღიმის,
ხვალ გაიღიმებს განგების მადლით.





თვალჟუჟუნა გოგონავ...



თვალჟუჟუნა გოგონავ -
მზის და მთვარის სადარო,
როგორც მოყვასს - მეც მინდა
ხელის გულზე გატარო.
თვალჟუჟუნა გოგონავ -
ხარ შველივით უმწიკვლო,
მსურს შენს თვალებს ყოველდღე
ვარსკვლავივით ვუცქირო.