* * *
მიწის წიაღს რომ ამოხეთქავს უცხო სიმწვანე,
მზეს გაუცინებს,
მთვარეს გაუცინებს,
ვარსკვლავებს გაუცინებს,
სიცოცხლის სიკარგეში დაიწყებს დარწმუნებას
და უცებ...

გამიგე დედაჩემო.
მე ჯერ მზისთვის თვალიც კი არ მომეკრა,
როცა ცხოვრებამ ფეხი პირველად დამადგა...

და თუ ოდესმე ვინმე ჩემით გადაწყვეტს შენ შეფასებას,
ნუ შეშინდები,
ნუ შედრკები.
უთხარი მათ, რომ
სინათლისგან იბადება სიბნელე,
რომ სინათლეა სიბნელის მშობელი...