ჯერ გაუთხრელ და თან დაობებულ სარკო-
ფაგებში თვლემენ წარსული დროით ნაჭარ-
მაგევი ძვლები გაზრდის იმედით დარგო
ვიღაცამ და რტო გამხმარი მოაქვთ ვაჭარ-
ქორებს თუ ღორებს და მე კი მეში ვუდრი,
ან შენში გავხდი უკვე ტოლობა. ბალდა-
ხინებში, როცა ბარდნის სიმშვიდის პუდრი,
რაღა შეგვრჩება ან მე ან სიკვდილს გარდა
ჩაბჟირების და ლაზღანდარობის მეტი,
სიტყვებთან ერთად ისე უაზროდ ვიწე-
ლები, ახია რომ მომიღეროს კეტი
ცხოვრებამ. ამ დროს უკვე საფლავში ვიწვე.