ასეთია  სიყვარული ლომის -
ფართო სივრცეს მოუნიშნავს ჰარემს,
სიყვარული კაიყმის  ცოლის -
სიხარულით გააბრწყინებს არეს.
სულ ესაა სიყვარული თევზის -
ქვაზე მიააწებებს ქვირითს,
მყვირალობას სიყვარული ირმის -
გულისგახეთქვამდე ყვირის,
სიყვარულზე მგალობელი როჭო
ყრუვდება და მიპარულნი კლავენ.
არა დარდებბს სიყვარული ხოჭოს
ფუნას როცა დააგორებს გარეთ...

სიყვარულზე მომღერალთა ხმები
ბუნებაში გაზაფხულზე ისმის
ყველა იმგვარ სიყვარულით ტკბება,
როგორისაც თავადაა ღირსი.